Главная » 2012 » Ноябрь » 30 » Lerikdə şair-publisist Ağacəfər Həsənlinin yaradıcılıq gecəsi keçirilib
21:19 Lerikdə şair-publisist Ağacəfər Həsənlinin yaradıcılıq gecəsi keçirilib |
Lerik.
Ağəddin Babayev – APA. Noyabrın 30-da
Lerik şəhər mədəniyət evində respublikanın ədəbi mühitinin tanınmış
simalarından olan, 20-dək şeir
kitabının, çoxlu sayda publisistik yazıların müəllifi, şair Ağacəfər Həsənlinin
yaradıcılıq gecəsi keçirilib.
APA-nın
Cənub bürosunun məlumatına görə, Lerik Rayon İcra Hakimiyyətinin (RİH) təşkilatçılığı
ilə reallaşan tədbirdə ədəbiyyatşünas alim, professor Nizaməddin Şəmsizadə,
şair, türkoloq alim Adil Cəmil, şair
Balayar Sadiq, "Xalq qəzeti”nin məsul
katibi, jurnalist İlqar Rüstəmov, iqtisadçı alim, fəlsəfə doktoru Arzuman
Muradlı və digərləri iştirak ediblər.
Əvvəlcə tədbirin aparıcısı, jurnalist Hüsaməddin
Abbasov Ağacəfər Həsənlinin həyat və yaradıcılığı haqqında geniş məruzə ilə
çıxış edib. Daha sonra tanınmış alim Nizaməddin Şəmsizadə son illər
Azərbaycanın bütün regionları kimi Lerik rayonunun da soasial-iqtisadi
inkişafında mühüm uğurların əldə edildiyini, rayonda elmə, təhsilə, elm adamlarına, mədəniyyət və
incəsənət işçilərinə yüksək qayğı və diqqətin göstərildiyini xüsusi qeyd edib. Bu
günkü tədbirin də bu qayğının bariz nəticəsi olduğunu vurğulayan natiq Lerikdə
doğulub boya-başa çatan şair Ağacəfər Həsənlinin çağdaş Azərbaycan poeziyasında
özünəməxsus yeri olduğunu diqqətə çatdırıb.
Şair Adil Cəmil, respublikanın xalq artisti Arif
Quliyev, şairin qələm yoldaşları, orta məktəb müəllimləri A.Həsənlinin
yaradıcılığından nümunələri səsləndirərək, onun haqqında ürək sözlərini
söyləyibər.
Pərəstişkarlarının çoxsaylı suallarını
cavablandıran şair Ağacəfər Həsənli müxtəlif mövzularda yazdığı yeni şerlərini
oxuyub və doğma diyarda yaradıcılıq gecəsinin təşkilinə görə rayon icra
hakimiyyətinə minnətdarlığını bildirib.
Lerik RİH-nin başçısı Rövşən Bağırov çıxışında
belə tədbirlərin yetişməkdə olan gənc nəslin vətənpərvərlik ruhunda
böyüməsində, elmə, təhsilə, ədəbiyyata marağının artmasında mühüm rol
oynadığını söyləməklə, Ağacəfər
Həsənliyə bundan sonrakı yaradıcılığında uğurlar arzulayıb.
Tədbir rayon mədəniyyət evinin bədii özfəaliyyət
kollektivi tərfindən maraqlı musiqi nömrələrinin və şairin sözlərinə
bəstələnmiş mahnılar ifası ilə başa çatıb.
|
Просмотров: 290 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|