Главная » 2012 » Январь » 19 » Lənkəranın dağlıq yaşayış məntəqəsində torpaq sürüşməsi baş verib
15:26 Lənkəranın dağlıq yaşayış məntəqəsində torpaq sürüşməsi baş verib |
Lənkəran rayonunun dağlıq
Bəliton kəndində torpaq sürüşməsi baş verib. Yerli sakinlərin APA-nın cənub
bürosuna verdikləri məlumata görə, sürüşmə kəndin 5 ərazisində qeydə alınıb. Onların
fikrincə, 4 aydan bəri davam edən sürüşmə son günlər daha da aktivləşib. Torpaq
sürüşməsi kənddə bir neçə fərdi yaşayış evi üçün ciddi təhlükə törədib. Kənd
sakini Xoşvər İbrahimovaya məxsus 5 otaqlı ev qəzalı vəziyyətə düşdüyündən 4
nəfərlik ailə müvəqqəti olaraq qohumalarının yanına köçürülüb.
Bəliton kəndinə ezam olunan
Fövqəladə Hallar Nazirliyinin (FHN) əməkdaşları torpaq sürüşməsinin baş verdiyi
ərazilərə baxış keçirib və sakinlərə dəyən ziyanın miqyasını
müəyyənləşdiriblər. Lənkəran Şəhər İcra Hakimiyyəti aparatının məsul işçisi,
rayon fövqəladə hallar komissiyasının
(FHK) üzvü Sərraf Heydərov isə APA-nın yerli bürosuna açıqlamasında
Bəliton kəndində torpaq sürüşməsi nəticəsində qəza vəziyyətinə düşmüş evlərin
siyahısının dəqiqləşdirildiyini, dəymiş ziyanın məbləğinin
müəyyənləşdirildiyini və müvafiq tədbir görülməsi üçün əlaqədar təşkilatların
məlumatlandırıldığını bildirib.
Qeyd edək ki, Lənkəranın Hirkan qəsəbəsində də torpaq sürüşməsi qeydə
alınıb. Qəza yerinə baxış keçirən FHN-nin mütəxəsisləri sürüşmənin ciddi
fəsadlara səbəb olmayacağı qənaətinə gəliblər.
|
Просмотров: 226 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|