Texniki Tənzimləmə və Standartlaşdırma üzrə Dövlət Nəzarəti Xidmətinin Lənkəran ərazi İdarəsinin  əməkdaşları tərəfindən keçirilən növbəti reyd bu gün rayonun Vilvan kəndində sahibkar Ağababa Əjdər oğlu Qasımova məxsus çörəkbişirmə sexində reallaşıb.  APA-nın Cənub bürosunun məlumatına görə, reyd  zamanı bir çox neqativ hallar , o cümlədən sexdə unun saxlanılması, xəmirin yoğrulması və bişirilməsi qaydalarının standartlara cavab vermədiyi, çörəyin  antisanitar vəziyyətdə bişirilərək istehlakçılara satıldığı aşkarlanıb. Reyd zamanı  həmçinin işçilər tərəfindən sanitar-gigiyenik normaların tələblərinə əməl olunmaması da ortaya çıxıb. 

 Nəticədə isə çörək sexinin rəhbərliyinə ciddi xəbərdarlıq edilməklə, iradnamə və tələbnamələr təqdim olunub,  qeyri-qənaətbəxş olduğu üçün sexin fəaliyyəti dayandırılıb.