Lənkəran. Ağəddin Babayev – APA. "Azərbaycan gəncliyi 2011-2015-ci illərdə” Dövlət Proqramının 6.3 bəndinə müvafiq olaraq yeniyetmə və gənclərin intellektual və yaradıcılıq potensialının inkişaf etdirilməsi məqsədilə Lənkəran şəhərindəki "Zirvə” İdman və Sağlamlıq Mərkəzində yeniyetmələr arasında "Xəmsə” Milli İntellektual oyunu üzrə II Azərbaycan çempionatının zona mərhələsi  keçirilib. APA-nın cənub bürosunun məlumatına görə, tədbirdə Lənkəran, Masallı, Cəlilabad, Lerik, Astara və Salyan rayonlarından 9 komanda bacarığını nümayiş etdirib. Lənkəran şəhər 10 saylı orta məktəbin "A” komandası daha yaxşı nəticə əldə etməklə Bakı şəhərində keçiriləcək final mərhələsinə vəsiqə qazanıb.