Главная » 2011 » Декабрь » 4 » Lənkəranda poçt şöbəsini yarıblar
11:58 Lənkəranda poçt şöbəsini yarıblar |
Lənkəranda oğurluq hadisəsi baş verib. Lənkəran Şəhər Polis Şöbəsinin müstəntiqi Famil Həsənovun APA-nın
cənub bürosuna verdiyi məlumata görə, hadisə dekabrın 3-də gecə
saatlarında şəhərin Fizuli küçəsində yerləşən 2 saylı poçt şöbəsində
qeydə alınıb.
Şəxsiyyətləri hələlik istintaqa məlum olmayan naməlum şəxslər şöbənin
içərisində pul tapa bilmədiklərindən xeyli sayda məişət avadanlıqları, o
cümlədən regional poçt idarəsinə məxsus 2 ədəd kompüter dəstini,
əhalinin işıq pullarının qəbulu üçün istifadə edilən Lənkəran elektrik
şəbəkəsinə məxsus 1 ədəd kompüter dəstini, 1 ədəd printeri, 1 ədəd
telefon aparatını oğurlayaraq özləri ilə aparıblar. Dəyən ziyanın ümumi
məbləği təqribən 1500 manat təşkil edir.
Müstəntiq əməliyyat qrupunun hadisə yerinə baxış keçirdiyini və barmaq izlərinin götürüldüyünü bildirib.
Hazırda faktla bağlı araşdırma aparılır və oğruların aşkarlanıb
istintaqa təhvil verilməsi istiqamətində əməliyyat tədbirləri görülür.
|
Просмотров: 242 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|