Lənkəran. Ağəddin Babayev – APA. Lənkəranda oktyabrın 1-ə kimi on iki min əmanətçiyə SSRi dövründən qalan pullar geri qaytarılıb. Bu barədə APA-nın Cənub bürosuna "Kapital Bank”ın Lənkəran rayon filialından məlumat verilib. Məlumata görə, filial tərəfindən bu müddət ərzində 14 min 187 əmanətçidən ərizə qəbul olunub. Hazırda ərizələrin araşdırılması prosesi gedir və bu iş başa çatdırıldıqdan sonra əhalinin bankda qalmış əmanətləri  tam geri qaytarılacaq.

Qeyd edək ki, SSRİ Əmanət Bankının Lənkəran rayon filialında 36 min nəfər qeydiyyatda olub.