Lənkəran. Ağəddin Babayev – APA. Azərbaycanın Lənkəran rayonunda ölümlə nəticələnən ağır yol-nəqliyyat qəzası baş verib. Lənkəran Şəhər-Rayon Polis Şöbəsindən (ŞRPŞ) APA-nın Cənub bürosuna verilən məlumata görə, hadisə ötən gün saat 16.30 radələrində rayonun Digah kəndi ərazisində qeydə alınıb. Rayon sakini İmaməli Səfərovun idarə etdiyi "QAZ-52” markalı yük maşını qəfildən idarəetməni itirərək yolun kənarındakı elektrik dirəyinə çırpılıb. Nəticədə sürücü aldığı çoxsaylı bədən xəsarətlərindən hadisə yerindəcə dünyasını dəyişib.

Faktla bağlı Lənkəran ŞRPŞ-də cinayət işi açılıb, araşdırma aparılır.