Lənkəran. Ağəddin Babayev – APA. Azərbaycanın Lənkəran rayonunda ağır yol-nəqliyyat qəzası baş verib. Lənkəran Şəhər-Rayon Polis Şöbəsinin (ŞRPŞ) növbətçi hissəsindən APA-nın Cənub bürosuna verilən məlumata görə, hadisə dekabrın 6-da saat 17.00 radələrində Lənkəran- Boradigah sosesinin rayonun Cil kəndindən keçən hissəsində qeydə alınıb. Rayon sakini, 1986-cı il təvəllüdlü Rahid Rafiq oğlu Hüseynovun idarə etdiyi "VAZ-2107” markalı, 42 BP 160 dövlət nömrə nişanlı avtomobil qəfildən idarəetməni itirərək yolun kənarındakı elektrik dirəyinə çırpılıb. Güclü zərbənin təsirindən elektrik dirəyi aşıb, yararsız hala düşmüş avtomobilin sürücüsü isə müxtəlif dərəcəli bədən xəsarətləri ilə xəstəxanaya yerləşdirilib.

Faktla bağlı araşdırma aparılır.