Lənkəranda yanğın hadisəsi baş verib. APA-nın cənub bürosunun məlumatına görə, hadisə ötən gecə rayonun Kərgəlan kənd sakini, 48 yaşlı  Kamil Rzayevə məxsus avtomobil ehtiyat hissələri mağazasında qeydə alınıb. 

Hadisə yerinə dərhal Fövqəladə Hallar Nazirliyinin Lənkəran Rayon Yanğından Muhafizə Hissəsinin 2 yanğınsöndürən maşını və canlı qüvvəsi cəlb olunub. Onların səyləri nəticəsində yanğın söndürülməklə onun əhatə dairəsinin genişlənməsinin və yaxınlıqdakı tikililərə keçməsinin qarşısı alınıb. Yanğın nəticəsində ümümi sahəsi 120 kv.m olan bir-birinə bitişik iki maqağadan biri tamamilə yanıb, digərinin isə tavan hissəsi qismən yanaraq yararsız hala düşüb. Maqaza sahibi yanğının qəsdən törədildiyini və ona 30 min manat dəyərində maddi ziyanın dəydiyini iddia edib.

Faktla bağlı  araşdırma aparılır.