Главная » 2012 » Сентябрь » 10 » Lənkəranda gənclər üçün ekoloji mövzuda maarifləndirici tədbir keçirilib
16:18
Lənkəranda gənclər üçün ekoloji mövzuda maarifləndirici tədbir keçirilib
Lənkəran.
Ağəddin Babayev – APA. Lənkəran şəhərində "Vətəndaş Cəmiyyətində
Debat" İctimai Birliyi və ATƏT-in Bakı Ofisi tərəfindən Azərbaycan
Respublikası Gənclər və İdman Nazirliyi, Ekologiya və Təbii Sərvətlər
Nazirliyi, IDEA Beynəlxalq Kampaniyası, "Təmiz Şəhər” ASC-nin birgə dəstəyi ilə
təşkil olunan "Green Corps” Yay Məktəbi" keçirilib. APA-nın Cənub
bürosunun məlumatına görə, əsas məqsədi gənclərə ölkəmizin gələcək vətəndaşları
kimi Eko-menecment (Ekoloji menecment), ətraf mühitin mühafizəsi və tədqiqatların
düzgün aparılması sahəsində ilkin biliklərin verilməsi, layihələrin düzgün
yazılması və idarə edilməsi, dünyagörüşünün genişlənməsi və onların gələcəkdə ekoloji fəallara çevrilməsi məqsədi
daşıyan tədbir iki hissədən - təlim-tədris və mədəni-idman proqramlarından ibarət
olub.
Təlim-tədris proqramı çərçivəsində yerli
və xarici ekspertlər tərəfindən iştirakçılara ekoloji layihələrin yazılması,
idarə olunması, bu sahədə xarici təcrübə və metodologiya haqqında bilik və
bacarıqlar aşılanıb. Proqramın davamı olaraq iştirakçılar komandalara ayrılaraq
Azərbaycanın cənub bölgəsində olan mövcud ekoloji problemlərin həllinə istiqamətlənmiş
layihələr yazıblar.Komandalar tərfindən
təqdim olunmuş layihələr arasında müsabiqə keçirilib. Müsabiqədən uğurla keçən
3 layihə maliyyələşdirilib və oktyabr-noyabr aylarında onların reallaşdırılması
qərara alınıb.
Tədbir çərçivəsində həmçinin Hirkan
Milli Parkında təbiətin qoynunda gənclərin asudə vaxtlarının səmərəli dəyərləndirilməsi
və biliklərinin praktiki məşğələlərlə gücləndirilməsi üçün onlara müxtəlif
komandaqurucu oyunlar, idman oyunları və əyləncəli tədbirləri özündə birləşdirən
mədəni idman proqramı da təqdim olunub.