Главная » 2015 » Февраль » 5 » Lənkəranda bağlı qapı arxasında köməksiz qalmış 2 yaşlı qız xilas edilib
16:17 Lənkəranda bağlı qapı arxasında köməksiz qalmış 2 yaşlı qız xilas edilib |
Lənkəran. Ağəddin Babayev – APA. Bu gün saat 15.00 radələrində Lənkəran şəhərinin Nizami küçəsi, 91 ünvanında yerləşən yaşayış binasının mənzillərinin birində azyaşlı qız uşağı bağlı qapı arxasında köməksiz vəziyyətdə qalıb. APA-nın cənub bürosunun məlumatına görə, hadisə barədə məlumat daxil olan kimi Fövqəladə Hallar Nazirliyinin (FHN) müvafiq xilasetmə qüvvələri dərhal sözü gedən ünvana gəliblər. Xilasedicilər 5-ci mərtəbədə yerləşən mənzilə təhlükəsizlik qaydalarına riayət etməklə, xüsusi alət və avadanlıqlar vasitəsilə binanın dam örtüyündən enərək daxil olublar. Onlar 2 yaşlı Məryəm Çingiz qızı Kamalovanı xilas edərək valideynlərinə təhvil veriblər.
Qeyd edək ki, uşağın vəziyyəti normaldır, onun səhhətində hər hansı bir problem yoxdur.
|
Просмотров: 259 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|