Главная » 2012 » Март » 18 » Lənkəranda Azərbaycanın Milli Qəhrəmanı Əsgər Əliyevin xatirəsi anılıb
12:56 Lənkəranda Azərbaycanın Milli Qəhrəmanı Əsgər Əliyevin xatirəsi anılıb |
Martın 17-də Azərbaycanın Milli
Qəhrəmanı Əsgər Əliyevin adını daşıyan Lənkəran şəhər mədəniyyət və
istirahət parkında onun xatirəsi anılıb. APA-nın
Cənub bürosunun məlumatına görə, yerli ictimaiyyət nümayəndələrinin,
məktəblilərin qatıldığı tədbirdə çıxış edən Lənkəran Şəhər İcra
Hakimiyyəti aparatının ictimai təşkilatlar və siyasi partiyalarla iş
şöbəsinin müdiri Əlimərdan Əliyev Əsgər Əliyevin qısa və mənalı ömür
yolu barədə danışıb. Digər çıxış edənlər də Əsgər kimi oğulların şərəfli
həyatının bu günkü gənc nəsil üçün örnək olduğunu qeyd ediblər.
Mərasimdə məktəblilərin ifasında vətənpərvərlik mövzusunda şerlər
səslənib.
Sonda qəhrəmanın atası Ələkbər Əliyev oğlunun xatirəsini əziz tutduqları üçün tədbir iştirakçılarına minnətdarlığını çatdırıb.
Qeyd edək ki, Əsgər Əliyev 8 noyabr 1974-cü ildə Lənkəranın Ləj kəndində
doğulub. 1982-1992-ci illərdə orta təhsil alıb. Daha sonra Bakı Ali
Ümumqoşun Komandirlər Məktəbinin tank-artilleriya fakültəsinin tələbəsi
olub. 1995-ci il martın 17-də Bakıda hakimiyyəti zorla devirmək cəhdi
zamanı Əsgər Əliyev 4 yaralını xilas edərkən aldığı ikinci güllə
yarasından dünyasını dəyişib. Doğulduğu kəndin qəbiristanlığında dəfn
olunub.
Azərbaycan Respublikası prezidentinin 4 aprel 1995-ci il tarixli 307
saylı fərmanı ilə Ə.Əliyev ölümündən sonra Azərbaycanın Milli Qəhrəmanı
adına layiq görülüb.
|
Просмотров: 276 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|