Lənkəran. Ağəddin Babayev – APA. Azərbaycanın Lənkəran rayonunda piyadanın ölümü ilə nəticələnən ağır yol-nəqliyyat qəzası baş verib. Lənkəran Şəhər-Rayon Polis Şöbəsindən (ŞRPŞ) APA-nın Cənub bürosuna verilən məlumata görə, hadisə Ələt-Astara magistralının 200-cü kilometrliyində-Lənkəran rayonunun Digah kəndi ərazisində qeydə alınıb.  Lənkəran şəhər sakini Zahir Kazımov idarə etdiyi "VAZ-2106” markalı avtomobillə Astara istiqamətində hərəkətdə olarkən yolu keçmək istəyən piyada, rayonun Tüədo kənd sakini, 76 yaşlı Aşur Cavadovu vurub. Sürücü dərhal yaralını öz maşınına qoyaraq, Lənkəran Müalicə Diaqnostika Mərkəzinə aparıb. Həkimlərin səylərinə baxmayaraq, yaralının həyatını xilas etmək mümkün olmayıb.

Faktla bağlı  Cinayət Məcəlləsinin 263.2 maddəsi ilə cinayət işi açılıb, araşdırma aparılır.