Lənkəran. Ağəddin Babayev – APA. Lənkəranda keçmiş SSRİ əmanət bankına vəsait qoymuş 16927 nəfərə 2012-ci ilin dekabrın 31-dək 9 milyon 55 min 445 manat nəbləğində pul ödənilib.

Bu barədə APA-nın Cənub bürosuna "Kapital Bank”ın Lənkəran rayon filialının müdiri Bəxtiyar Zeynalov məlumat verib.

Onun sözlərinə görə, daha 893 nəfərin əmanətləri isə cari ilin ikinci rübünədək onlara qaytarılacaq. Filial müdiri bildirib ki, Lənkəranda keçmiş SSRİ bank əmanəti olan şəxslərin sayı ümumilikdə 36 min nəfər təşkil edir. Ötən ilin dekabrın 31-nə kimi onlardan 17 820 nəfəri əmanətlərini geri almaq üçün "Kapital Bank”ın yerli filialına ərizə ilə müraciət edib.