Lənkəran. Ağəddin Babayev – APA. Lənkəran rayon sakini polis şöbəsinin binasının ikinci mərtəbəsindən özünü yerə atmaqla intihara cəhd edib. APA-nın cənub bürosunun məlumatına görə, hadisə aprelin 11-də günorta saatlarında baş verib. Lənkəran rayonunun Velədi kənd sakini, 1969-cu il təvəllüdlü Cəmil Cəlil oğlu Babayev şəhər-rayon polis şöbəsində oğurluq faktı ilə əlaqədar şahid qismində istintaqa ifadə verərkən qəfildən binanın ikinci mərtəbəsindən yerə atılıb. Müxtəlif dərəcəli bədən xəsarətləri ilə təcili Lənkəran Müalicə Diaqnostika Mərkəzinə yerləşdirilən C.Babayevin vəziyyəti ağırdır.

Faktla bağlı Lənkəran Rayon Prokurorluğunda araşdırma aparılır.