Главная » 2011 » Ноябрь » 14 » Lənkəran rayonunda qonşu qonşuya səkkiz bıçaq vurub
10:14 Lənkəran rayonunda qonşu qonşuya səkkiz bıçaq vurub |
Lənkəranda bıçaqlanma hadisəsi
baş verib.
Lənkəran Şəhər Polis Şöbəsinin (ŞPŞ) baş müstəntiqi Rövşən
Rəşidovun APA-nın cənub bürosuna verdiyi
məlumata görə, hadisə rayonunun Gərmətük qəsəbəsində qeydə alınıb.
Qəsəbə sakini, 18 yaşlı Peyman Xanlar oğlu Vəlizadə şəxsi münaqişə
zəminində qonşusu, 33 yaşlı Sadiq İltifat oğlu Bədəlovu bıçaqlayıb.
Səkkiz bıçaq zərbəsi alan S. Bədəlov Lənkəran Mərkəzi Rayon
Xəstəxanasının (MRX) reanimasiya şöbəsinə yerləşdirilib.
İlkin araşdırmalardan məlum olub ki, qonşuların münaqişəsinə 2 il bundan
əvvəl baş verən oğurluq hadisəsi səbəb olub. Belə ki, 2009-cu ilin
noyabr ayının 29-da Peyman Vəlizadə Sadiq Bədəlovun evdə olmamasından
istifadə edərək, onun tövləsindən 2 baş qoyununu oğurlayıb. Hadisədən 6
ay sonra isə oğurluğun Peyman tərəfindən törədildiyi sübuta yetirilib.
Həmin vaxtdan qonşular arasında küsülülük gizli ədavətə çevrilib.
Bıçaqlanma hadisəsi baş verən günün axşamı Peyman Sadiqə zəng edərək ona
sözü olduğunu və həyətdə gözlədiyini bildirib. Sadiq həyətə düşüb, 5
dəqiqə sonra onun qan içində küçədə uzandığını barədə xəbər gəlib.
Bundan sonra qonşuların köməyi ilə yaralı təcili xəstəxanaya çatdırılıb.
Hadisəni araşdıran müstəntiqin bildirdiyinə görə, cinayəti törədən şəxs
hadisə yerindən qaçaraq gizlənib. Onun istifadə etdiyi bıçaq maddi sübut
kimi hadisə yerində tapılaraq götürülüb. Hazırda cinayəti törədən
şəxsin tutulub istintaqa təhvil verilməsi istiqamətində
əməliyyat-axtarış tədbirləri görülür.
|
Просмотров: 245 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|