Главная » 2012 » Июль » 7 » Lənkəran Dövlət Universitetində Mirzə Fətəli Axundzadənin 200 illik yubileyinə həsr edilmiş elmi konfrans keçirilib
18:45 Lənkəran Dövlət Universitetində Mirzə Fətəli Axundzadənin 200 illik yubileyinə həsr edilmiş elmi konfrans keçirilib |
Lənkəran Dövlət Universitetində (LDU) milli dramaturgiyamızın banisi Mirzə Fətəli Axundzadənin anadan olmasının 200 illik yubileyi ilə əlaqədar elmi konfrans keçirilib. APA-nın Cənub bürosunun məlumatına görə, Azərbaycan Respublikası Təhsil Nazirliyi, LDU və Azərbaycan Milli Elmlər Akademiyası Lənkəran Regional Elmi Mərkəzinin birgə təşkilatçılığı ilə keçirilən tədbiri giriş sözü ilə universitetin rektoru, fizika-riyaziyyat elmləri doktoru, əməkdar elm xadimi, professor Asəf İsgəndərov açaraq, ölməz ədibin yubileyi ilə bağlı görülmüş işlərdən danışıb.
Daha sonra LDU-nin dil və ədəbiyyat kafedrasının dosenti, filologiya elmləri namizədi Mirhüseyn Abbas "M.F.Axundzadənin həyat və yaradıcılığı”, filologiya elmləri namizədi, Prezident təqaüdçüsü Hacı Mirhaşım Talışlı "M.F.Axundzadənin dini-fəlsəfi görüşləri”, tarix elmləri namizədi Əliağa Baxşıyev "M.F.Axundzadənin tarixi görüşləri”, baş müəllim Qabil Əmənüllayev "M.F.Axundzadənin dramaturgiyası”, Zülfiyyə Ağayeva "M.F.Axundzadə rus ədəbiyyatşünaslığında”, Yuxarı Nüvədi kənd orta məktəbinin dil-ədəbiyyat müəllimi Ağabanu Məmmədova "M.F.Axundzadənin tərcüməçilik fəaliyyəti”, Boladi kənd orta məktəbinin dil-ədəbiyyat müəllimi Yalçın Heydərov "M.F.Axundzadənin realist nəsri” , magistrant Vüsalə Axundova "M.F.Axundzadə yaradıcılığı Avropada” mövzusunda cıxış ediblər. Sonda tələbələrin ifasında ingilis dilində M.F.Axundzadənin "Hacı Qara” komediyasından parçalar nümayiş etdirilib.
|
Просмотров: 251 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|