Lənkəran. Ağəddin Babayev – APA. Azərbaycanın Lənkəran rayonunda yanğın hadisəsi baş verib. Fövqəladə Hallar Nazirliyinin Lənkəran Rayon Yanğından Mühafizə Hissəsindən APA-nın Cənub bürosuna verilən məlumata görə, hadisə sentyabrın 13-də  saat 18.00 radələrində rayonun Girdəni kənd sakini, 48 yaşlı Südabə Şəfaqət qızı Kərimovaya məxsus fərdi yaşayış evində qeydə alınıb. Hadisə yerinə gedən iki yanğınsöndürən maşının səyləri ilə  yanğının qonşu tikililərə keçməsinin qarşısı alınıb. Yanğın nəticəsində ümumi sahəsi 145 kv.metr olan evin 20 kv.metrlik ərazisi yanaraq yararsız vəziyyətə düşüb.

Faktla bağlı araşdırma aparılır.