Главная » 2011 » Апрель » 30 » İran-Azərbaycan sərhədində iki nəfərin bağırsağından narkotik çıxıb
21:18 İran-Azərbaycan sərhədində iki nəfərin bağırsağından narkotik çıxıb |
Azərbaycanın İranla sərhəd keçid məntəqəsindən narkotik keçirmək istəyən
şəxslər ifşa olunub. ANS PRESS-in Dövlət Gömrük Komitəsinin saytına
istinadən verdiyi məlumata görə, bu, Astara Gömrük İdarəsində Dövlət
Sərhəd Xidməti əməkdaşları ilə birgə keçirilən əməliyyat-axtarış
tədbirləri nəticəsində mümkün olub.
Azərbaycan vətəndaşı Əmirov İsrafil Rizvan oğlu piyada yolu ilə İran
İslam Respublikasından Azərbaycan Respublikasına gələrkən Sərnişin
şöbəsində gömrük nəzarətindən keçib. Onun üzərində aparılan şəxsi
yoxlama zamanı Əmirov İsrafil Rizvan oğlunun daxili orqanlarına həkim
müayinəsi zərurəti yarandığı üçün Astara Rayon Mərkəzi Xəstəxanasına
aparılıb. Orada həkim müayinəsi zamanı vətəndaş Əmirov İsrafil Rizvan
oğlunun düz bağırsağından bir ədəd üst tərəfdən şəffaf rəngli
polietilenə bükülmüş yumru formalı bükümdə olmaqla, ümumi çəkisi 26
qram narkotik vasitə - heroin aşkar olunaraq götürülüb.
İkinci belə hal isə Biləsuvar rayonunda qeydə alınıb. Biləsuvar Gömrük
İdarəsinin Gömrük hüquqpozmalarına qarşı mübarizə şöbəsindən daxil olmuş
məlumat əsasında Biləsuvar Gömrük Sərhəd Buraxılış Məntəqəsində İrandan
Azərbaycana piyada gələn AR vətəndaşı Əliyev Ənvər Əlibala oğlu
saxlanılıb və onun üzərində şəxsi yoxlama aparılıb. Şəxsi yoxlama zamanı
Əliyev Ənvər Əlibala oğlunun düz bağırsağından, gömrük nəzarətindən
gizlədilmiş, yapışqanlı lentlə sarınaraq qırmızı rəngli rezin şarda
qablaşdırılmış, bir ədəd uzunsov bükümdə xalis çəkisi 104,005 qram olan
narkotik vasitə - heroin aşkar edilərək götürülüb.
|
|
Просмотров: 295 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|