Главная » 2012 » Февраль » 13 » İki azyaşlı övladını boğaraq qətlə yetirən Lerik rayon sakini məhkəmədə peşman olduğunu bildirib
17:35 İki azyaşlı övladını boğaraq qətlə yetirən Lerik rayon sakini məhkəmədə peşman olduğunu bildirib |
Bu gün Lənkəran Ağır
Cinayətlər Məhkəməsində iki azyaşlı övladını boğaraq öldürməkdə
təqsirləndirilən Lerik rayon sakini Əmrah Xıdır oğlu Süleymanovun
cinayət işi üzrə məhkəməsi prosesi davam etdirilib.
APA-nın Cənub bürosunun
məlumatına görə, hakim Xamməd Nuriyevin sədrliyi ilə keçən prosesdə
şahidlər, o cümlədən təqsirləndirilən şəxsin həyat yoldaşı Əntiqə
Xankişiyeva, yaxın qohumları, həmçinin təqsirləndirilən şəxs və vəkili,
eləcə də dövlət ittihamçısının çıxışları dinlənilib. Zərərçəkən Əntiqə
Xankişiyeva ərinin iki azyaşlı qızının ölümündə təqsirkar olması faktını
bir daha təsdiqləyib. Ə.Süleymanov isə övladlarını çox sevdiyini,
hadisə baş verən gün içkili vəziyyətdə olduğu üçün onları boğaraq
öldürdüyünü, indi buna görə böyük peşmançılıq hissi çəkdiyini bildirib.
Proses fevralın 17-də davam etdiriləcək.
Qeyd edək ki, Lerikin Kürdəsər kənd sakini, 1976-cı il təvəllüdlü Əmrah
Süleymanovun iki azyaşlı uşağı - 2 yaşlı Dilbər və 1 yaşlı Filizin
meyitləri ötən il oktyabrın 22-də səhər saatlarında yataqlarında
aşkarlanıb. Araşdırmalar zamanı uşaqların ataları tərəfindən boğularaq
öldürüldüyü məlum olub. Ə.Süleymanov həbs olunub və barəsində Cinayət
Məcəlləsinin qəsdən adamöldürmə (120.2.7 və 120.2.9-cu) maddələri ilə
cinayət işi açılıb.
|
Просмотров: 267 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|