Hacı Mirəziz Seyidzadə: “Bədnəzərdən qorunmağın yolu Allaha sığınmaqdır” - 1 Мая 2012

Главная » 2012 » Май » 1 » Hacı Mirəziz Seyidzadə: “Bədnəzərdən qorunmağın yolu Allaha sığınmaqdır”

17:45

Hacı Mirəziz Seyidzadə: “Bədnəzərdən qorunmağın yolu Allaha sığınmaqdır”

"Bədnəzər həqiqətdir və Peyğəmbərimiz buyurub ki, "Bədnəzərin təsirindən şəfa tapmaq üçün sizdən qüsl almağınızı istəsələr, qüsl alın”. Bunu dinşünas Hacı Mirəziz Seyidzadə deyib.

M.Seyidzadə bədnəzərlə bağlı peyğəmbərlərimizin fikirləri olduğunu deyib. O qeyd edib ki, bununla bağlı "Qurani-Kərim”də də ayələr var.

"Bədnəzər dəyən insan həmin ayələri oxumaqla da özünü bədnəzərdən qoruya bilər. "Yusif” surəsində Yaqub peyğəmbər oğlanlarını Yusifin arxasınca Misirə göndərəndə deyir "qapıdan girərkən şəhərin darvazasından ayrı-ayrı daxil olun ki, sizə nəzər dəyməsin”.

M.Seyidzadə bildirib ki, nəzərdən qorunmaq üçün Allah-təalaya dua etmək, Allaha sığınmaq vacibdir.
"Qurani-Kərim”in "Nas” surəsini oxumaqla bədnəzərdən qorunmaq olar.