Lənkəran Şəhər Məhkəməsində narkotik maddə istifadəçiləri və tiryəkxana yaradan rayon sakinlərinin məhkəməsi başa çatıb. Hakim Təyyar Abbaslının sədrliyi ilə keçirilən prosesdə Kamran Nurullayev 4 il 6 ay, Yaşar Kərimov 2 il 6 ay, Natiq Xəlilov 2 il 3 ay, Əfqan Muradov 1 il 9 ay, İlqar Tağıyev 2 il müddətinə azadlıqdan məhrum ediliblər.  

Lənkəran Şəhər Polis şöbəsində həyata keçirilən əməliyyat tədbirləri nəticəsində şəhər sakini Kamran Nurullayevin üstündən 2 bükümdə 2,5 qrama yaxın narkotik vasitə olan tiryək aşkar edilib. Araşdırmalar nəticəsində təqsirləndirilən şəxslərin Kamran Nurullayevə məxsus evin arxa hissəsində narkotik maddə qəbul etmək üçün tiryəkxana saxlamaları məlum olub.