Daxili İşlər Nazirliyinin İnsan Alverinə qarşı Mübarizə Baş İdarəsinin rəisi vəzifəsinə yeni təyinat edilib.  APA-nın cənub bürosunun məlumatına görə, əvvəllər bu vəzifəni tutmuş polis polkovniki Cavad Süleyman oğlu Şıxəliyevin yerinə DİN Mütəşəkkil Cinayətkarlıqla Mübarizə İdarəsində rəis müavini olmuş polkovnik Şərif  Kamil oğlu Əsədullayev təyin edilib.

Daxili işlər naziri Ramil Usubovun sərəncamı ilə vəzifəyə təyin edilən Şərif Əsədullayev kollektivə təqdim edilib.

Qeyd edək ki,  Ş.Əsədullayev 1955-ci ildə Lənkəran rayonunun Şağlaser kəndində anadan olub. Bakı Dövlət Universitetinin hüquq fakültəsini bitirib. Qardaşı Asif Əsədullayev 20 Yanvar şəhididir.