Azərbaycanın cənub bölgəsində - Lənkəran, Astara, Masallı, Yardımlı, Lerik, Cəlilabad və Biləsuvarda QİÇS xəstələrinin sayı artıb. Bu barədə  Lənkəran regional HİV/QİÇS diaqnostikası laboratoriyasının müdiri Rəmiəli İbişov məlumat verib.  

Rəmiəli İbişov bildirib ki, 2011-cu ilin sonunda QİÇS xəstələrinin sayı bölgədə 531 idisə, hazırda bu rəqəm 591-ə çatıb. Onlardan 274-ü Lənkəran, 146-sı Astara, 119-u Masallı, 39-u Cəlilabad,  9-u Lerik, 4-ü Yardımlı rayon sakinləridir. Onun sözlərinə görə cari ilin 9 ayında isə bölgədə QİÇS-ə yoluxmuş 60 xəstə aşkar edilib ki, bunların da 43 u kisi 17 si isə qadındır.

Aşkar edilmiş xəstələrin ən çoxu 26 nəfər olmaqla Lənkəranda, 12 nəfər olmaqla Astarada, 19 nəfər olmaqla Masallıda, 2 nəfər olmaqla Cəlilabadda, 1 nəfər Lerikdə qeydə alınıb.  

Lənkəranda indiyədək 54, cari ilin 9 ayında isə 2 QİÇS-li xəstə dünyasını dəyişib.