"İntellekt” Sərhədsiz Maarifçi Gənclər İctimai Birliyi cənub bölgəsində ictimai məsuliyyətin artırılmasına yönələn "Erkən nikaha yox deyək” adlı layihənin icrasına başlayıb. Gənclər Fondunun  təşkilati və maliyyə dəstəyi ilə həyata keçirilən layihənin müddəti 6 ay olmaqla, 1 sentyabr 2012-ci il – 01 mart 2013-cü il tarixlərini əhatə edəcək.

Layihə çərçivəsində cənub bölgəsinin Lənkəran, Masallı, Astara, Lerik, Yardımlı rayonlarında müəyyənləşdirilən 10 kənddə (hər birində 2 kənd olmaqla) 13-17 yaş gənclər arasında erkən nikah mövzusunda maarifləndirmə işləri aparılacaq. Həmçinin layihəyə Lənkəranda velosiped yürüşünü təşkil etmək, gənclər arasında inşa müsabiqəsi keçirmək, həmin kəndlərdə yaşayan icma nümayəndələri və təhsil müəssisə nümayəndələri ilə görüşlərin keçirilməsi və s. fəaliyyətlər daxildir.