Azərbaycanın Biləsuvar rayonunda ağır yol-qəza hadisəsi baş verib. Daxili İşlər Nazirliyinin (DİN) Baş Dövlət Yol Polisi İdarəsinin (BDYPİ) istintaq və təhqiqat şöbəsinin müstəntiqi  Elmar Quluyevin  APA-nın cənub bürosuna verdiyi məlumata  görə, hadisə bu gün səhər saatlarında  Ələt-Astara magisrtalının 106- cı kilometrliyində - Biləsuvar rayonu ərazisində  qeydə alınıb. Astara istiqamətdə hərəkətdə  olan Lerik rayon sakini Mirələm Rəmi oğlu Əhmədovun   idarə etdiyi  "Mersedes-vita” markalı avtomobil   əks istiqamətdə hərəktdə olan Masalli rayon sakini, 33 yaşli Nurlan Xudaşirin oğlu Cabbarlının idarə etdiyi "VAZ- 2172” maraki avtomobillə toqquşub. Nəticədə "Jiquli”nin sürücüsü aldığı çoxsaylı bədən xəsarətlərindən  hadisə yerindəcə keçinib.  Müstəntiqin sözlərinə görə, hadisə "Mersedes”in qəfildən idarəetməni itirərək "Jiquli”ni qarşısına çıxması nəticəsində baş verib.

      Faktla bağlı cinayət işi açılıb, araşdırma aparılır.