Bakı Uşaq Teatrının truppası Nəcəf bəy Vəzirov adına Lənkəran Dövlət Dram Teatrının səhnəsində "Həyatla oyun” tamaşası ilə lənkəranlı gənclər qarşısında çıxış edib. APA-nın Cənub bürosunun məlumatına görə, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası ilə Azərbaycan Respublikasının Gənclər və İdman Nazirliyinin birgə təşəbbüsü ilə hazırlanan tamaşada əsas məqsəd insanları bəşəriyyətin ən böyük fəlakəti olan narkomaniyaya qarşı mübarizəyə səsləməkdir. Rejissor İntiqam Soltanın real həyatdan götürülmüş hadisələr üzərində qurduğu bu səhnə əsəri tamaşaçılar tərəfindən maraqla qarşılanıb.