Главная » 2012 » Февраль » 9 » Azərbaycanın cənub rayonlarında yağmurlu və şaxtalı hava şəraiti davam edir
19:45 Azərbaycanın cənub rayonlarında yağmurlu və şaxtalı hava şəraiti davam edir |
Azərbaycanın cənub rayonlarında yağmurlu və şaxtalı hava şəraiti hökm sürməkdədir. APA-nın
cənub bürosunun məlumatına görə, Masallı-Telavar-Lerik yüksək
gərginlikli elektrik xətti üzərindəki 35 kilovoltluq Şingədulan elektrik
stansiyası qəza vəziyyətinə düşdüyündən dünəndən etibarən Lerik
rayonunun 42, Yardımlı rayonunun isə 18 yaşayış məntəqəsinə elektrik
enerjisinin verilişi dayandırılıb.
Hazırda hər iki rayonda qəza briqadaları yaranmış problemin aradan
qaldırılması üçün səfərbər olunub. Yolların buz bağlaması səbəbindən
Lənkəran-Lerik və Masallı-Yardımlı şosesində nəqliyyatın hərəkətində
çətinliklər yaranmasına baxmayaraq, hər iki yol gediş-gəliş üçün
açıqdır. Yardımlı və Lerik rayonlarının aşağı ərazilərində qarın
hündürlüyü 35-40, ucqar ərazilərdə isə 80-90 sm təşkil edir. Bu səbəbdən
ucqar yaşayış məntəqələrinə nəqliyyatın hərəkətini məhdudlaşıb.
Ekologiya və Təbii Sərvətlər Nazirliyinin Lənkəran Regional Hidrometeorologiya Müəssisəsindən APA-ya
verilən məlumata görə, hazırda bölgənin aran rayonlarında 5, dağlıq
rayonlarında isə 13 dərəcə şaxta müşahidə edilir. Gecə saatlarında
şaxtanın daha da güclənəcəyi, yolların buz bağlayacağı gözlənilir.
|
Просмотров: 259 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|