Azərbaycanda uzun müddət müxtəlif cinayətlər törətməkdə təqsirləndirilən qrup ifşa olunub - 7 Января 2012

Главная » 2012 » Январь » 7 » Azərbaycanda uzun müddət müxtəlif cinayətlər törətməkdə təqsirləndirilən qrup ifşa olunub

18:28 Azərbaycanda uzun müddət müxtəlif cinayətlər törətməkdə təqsirləndirilən qrup ifşa olunub
Lənkəran şəhər Polis Şöbəsinin (ŞPŞ) əməkdaşları tərəfindən həyata keçirilən əməliyyat-axtarış tədbirləri nəticəsində uzun müddət Azərbaycan ərazisində dələduzluq, soyğunçuluq və oğurluqla məşğul olan cinayətkar qrup ifşa olunub. Lənkəran ŞPŞ-dən APA-nın Cənub bürosuna verilən məlumata görə, Cəlilabad rayon sakini, 1974-cü il təvəllüdlü Azad Əkbər oğlu Məhərrəmov başda olmaqla, Şamaxı rayon sakini, 1976-cı il təvəllüdlü Elnur Aslan oğlu Qəribov, Bakı şəhər sakinləri, 1975-ci il təvəllüdlü Mehman Yusif oğlu Nəsirov və 1975-ci il təvəllüdlü Fərhad Vədud oğlu Əliyevdən ibarət cinayətkar qrup 2009-cu ildən indiyədək Bakıda və respublikanın ayrı-ayrı rayonlarında vətəndaşları müxtəlif vasitələrlə aldadaraq onlara məxsus qızıl-zinət əşyalarını və pul vəsaitini mənimsəyib. Belə ki, cinayətkar qrup əsasən ailə üzvlərindən Rusiyada olan şəxslərin evlərinə girməyi daha asan vasitə seçərək, özünü onların övladlarının və ya qohum-əqrəbasının tanışı kimi qələmə verməklə yaxınlarının pula ehtiyacı olduğunu bəyan edib. Nəticədə, vətəndaşlardan aldıqları pulu onların yaxınlarına çatdıracağına söz verən qrup üzvləri əldə etdikləri qızıl-zinət əşyalarını və pul vəsaitini öz şəxsi mənafeləri üçün sərf ediblər. Cinayətkarların vədlərinə inanmayan şəxslərin evlərindən isə onlar soyğunçuluq və oğurluq ediblər. Sonuncu dəfə cinayətkar qrup Lənkəranda dələduzluq zamanı polis tərəfindən yaxalanıb. İlkin araşdırmalar zamanı məlum olub ki, qrupun üzvləri 35 fakt üzrə vətəndaşlara ümumilikdə 50 min manat ziyan vurublar. Faktla bağlı Lənkəran ŞPŞ-də cinayət işi açılıb, araşdırma aparılır.
1 2 3 4 5 Просмотров: 248 \| Добавил: apacenub \| Рейтинг: 0.0/0