Azərbaycan-İran sərhədində yük maşınlarının keçidində yaranmış problem aradan qaldırılıb - 15 Февраля 2012

Главная » 2012 » Февраль » 15 » Azərbaycan-İran sərhədində yük maşınlarının keçidində yaranmış problem aradan qaldırılıb

20:13 Azərbaycan-İran sərhədində yük maşınlarının keçidində yaranmış problem aradan qaldırılıb
Azərbaycan-İran sərhədində ağır tonnajlı yük maşınlarının keçməsində maneələr yaranıb. "APA-ECONOMICS”-in məlumatına görə, hazırda Astara şəhərindəki terminalda 60-a yaxın yük maşını, İran Astarası ərazisində də bir o qədər sayda maşın sərhədi keçmək üçün növbə gözləyir. Sürücülərin sözlərinə görə, İran gömrükçüləri maşınların yükgötürmə qabiliyyətinin standartlara uyğun olmadığını bəhanə gətirərək, onların sərhədi keçmələrinə icazə vermirlər. Sürücülər bu tələblərin nə üçünsə Rusiyaya məxsus yük maşınlarına şamil edilmədiyini bildirirlər. Onların sözlərinə görə, Rusiyadan İran tərəfinə və ya əks istiqamətə gedən maşınlara qarşı heç bir tələb irəli sürülmədiyi halda, Azərbaycan maşınlarının hərəkətinə problem yaradılır. Astara yük terminalının rəisi Rafael Abdullayev isə "APA-ECONOMICS”-ə bildirib ki, tərəflər arasında aparılan danışıqlardan sonra yaranmış problem artıq aradan qaldırılıb.
1 2 3 4 5 Просмотров: 261 \| Добавил: apacenub \| Рейтинг: 0.0/0