Astara rayonunda
əhalinin təbii qazla təchiz olunması istiqamətində ardıcıl tədbirlər görülür. Rayon
İcra Hakimiyyəti aparatından APA-nın Cənub bürosuna verilən məlumata görə,
indiyədək rayonun 30-dan çox yaşayış məntəqəsinə təbii qazın nəqli bərpa olunub. Hazırda Şuvi, Sərək, Siyətük, Şovaş,
Züngüləş, Sekəşan, Vəznəş, Səlivə və Deqədi kəndlərinin də qazlaşdırılması
istiqamətində irimiqyaslı iş görülür.
Belə ki, həmin ərazilərə 23 min p/m-dən çox polietilen boru, Şiyəkəran və
Şahağacı kəndlərinin qazlaşdırılmasından ötrü isə 11 min p/m metal boru xətti çəkilib.
Məlumata görə, Astara rayonunda
qazlaşdırma işlərinin 2013-cü ilin sonunadək
tam başa çatdırılması nəzərdə tutulub.
|