Astarada polisin həyata keçirdiyi əməliyyat-axtarış tədbirləri nəticəsində rayon sakininin həyatyanı sahəsindən və evindən narkotik vasitə aşkarlanıb. Astara Rayon Polis Şöbəsinin(RPŞ) növbətçi hissəsindən APA-nın Cənub bürosuna verilən məlumata görə,  şəhərin  Kələdəhnə  məhəlləsində yaşayan Əhliman İman oğlu İmanzadə şübhəli şəxs qismində saxlanılıb. Onun fərdi həyətyanı sahəsinə baxış keçirilərkən kultivasiya yolu ilə yetişdirilmiş çəkisi 3 kiloqram olan 9 ədəd çətənə kolu aşkarlanıb. Ə.İmanzadənin  evinə baxış zamanı isə 20,82 qram marixuana aşkar edilərək götürülüb.

 Faktla bağlı Astara RPŞ-də cinayət işi açılıb, araşdırma aparılır.