Главная » 2012 » Январь » 18 » Allahşükür Paşazadə Mixail Qorbaçovun cinayət məsuliyyətinə cəlb edilməsini vacib sayır
18:21 Allahşükür Paşazadə Mixail Qorbaçovun cinayət məsuliyyətinə cəlb edilməsini vacib sayır |
Qafqaz Müsəlmanları İdarəsinin rəisi 20 Yanvar faciəsinin baş verməsində
əli olanların cinayət məsuliyyətinə cəlb olunmasını, beynəlxalq Haaqa
Məhkəməsinə çıxarılmasını vacib sayır. Trend-in məlumatına görə, bu barədə QMİ-nin rəisi hacı Allahşükür Paşazadə Yeni Azərbaycan Partiyasının saytına müsahibəsində deyib.
"Şəhidlərimizə
münasibətdə haqq-ədalətin tam yerini tutması üçün biz geniş və
hərtərəfli araşdırmalar aparacaq yeni istintaq komissiyasının
yaradılmasını, bu hadisələri törədənlərin, başda Qorbaçov olmaqla, ona
rəvac verənlərin cinayət məsuliyyətinə cəlb olunmasını, beynəlxalq Haaqa
məhkəməsinə çıxarılmasını vacib hesab edirik”, - Paşazadə bildirib.
O
bildirib ki, tarixin acı dərslərinin təkrar olunmaması üçün hadisələrin
siyasi xarakterini açıqlayan sənədli xronikalar, filmlər, əsərlər
yaranmalı və əsl həqiqətlərlə illərdən bəri xalqı narahat edən şübhələrə
son qoyulmalıdır.
QMİ sədri bu faciəyə beynəlxalq səviyyədə indiyədək siyasi-hüquqi qiymət verilməməsindən təəssüflənir.
"Ulu
öndərimiz Heydər Əliyevin sayəsində Azərbaycan dövləti tərəfindən
hüquqi-siyasi qiymətini almış 20 Yanvar faciəsinə təəssüf ki, bu günə
qədər beynəlxalq müstəvidə hüquqi qiymət verilməyib, cinayətkarlar
məsuliyyətə cəlb olunmayıb və Azərbaycan xalqının cəlladları layiqli
cəzalarını almayıblar. Azərbaycan xalqının tam mənəvi haqqı var ki, öz
qatillərini - Mixail Qorbaçovu və onun əlaltılarını, o cümlədən, sapı
özümüzdən olan baltaları məhkəməyə cəlb etsin. Əyani, ya qiyabi - fərq
etməz, elə açıq məhkəmə qurulmalıdır ki, orada dəlil və sübutlar,
sənədlər və canlı şahidlərin ifadələri, beynəlxalq qanunlar zəminində və
ekspertlərin rəyi əsasında canilərin qəddarlığı, riyakarlığı,
vəhşiliyi, əsl niyyətləri dünya ictimaiyyətinə tam şəkildə açılsın.
Önəmli məqamlardan biri də o olmalıdır ki, bu cinayətə, çirkin əmələ
bəraət qazandırmaq üçün guya Azərbaycanda "islam fundamentalizmi”
bəhanəsi kimi əsassız ittihamların yürüdülməsi faktı ifşa olunsun", - o
deyib.
Allahşükür Paşazadə qanlı yanvar hadisəsinin ildönümü ilə
bağlı mərasimlərin Azərbaycan xalqının mənəvi ucalıq və dəyanət günü
kimi qeyd olunmasının tərəfdarı olduğunu və hər il din xadimlərimizə,
qazilərimizə, səlahiyyətli nümayəndələrimizə və ruhanilərimizə
tədbirlərin bu səpkidə keçirilməsinin tövsiyə edildiyini deyib.
|
Просмотров: 221 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|