Главная » 2011 » Декабрь » 14 » ABŞ-ın Azərbaycandakı səfiri Lənkəranda gənclər ilə görüşüb
07:52 ABŞ-ın Azərbaycandakı səfiri Lənkəranda gənclər ilə görüşüb |
ABŞ-ın Azərbaycandakı səfiri
Metyu Brayza, onun xanımı Zeyno Baran-Brayza və UNİSEF-in Azərbaycan
üzrə ofisinin direktoru Mark Herevordun Lənkəran şəhərindəki Gənclər
Evində yerli gənclərlə görüşü keçirilib. APA-nın
Cənub bürosunun məlumatına görə, əsasən Lənkəran Dövlət Universitetinin
tələbələrinin qatıldığı tədbirdə səfir Lənkəran gənclərinin
dünyagörüşü, maraq dairəsi ilə maraqlanıb. Lənkərana gəlişinin məqsədini
açıqlayan Metyu Brayza ABŞ səfirliyinin Heydər Əliyev Fondu ilə
birlikdə bölgədə yaşayan gənc qızlar üçün peşəyönümlü məktəbin açılması
layihəsini gerçəkləşdirməkdən ibarət olduğunu bildirib. Onun sözlərinə
görə, bu məktəbdə öyrədilən bilik və bacarıqlar sayəsində qızlar
Azərbaycan cəmiyyətinin ən fəal üzvlərindən olmaqla yanaşı, həm də
ailələrinə maddi köməklik göstərmək imkanı qazanacaqlar. Bu təşəbbüsün
UNİSEF-in Lənkəranda gənc oğlan və qızlar üçün yaratdığı genişmiqyaslı
bilik və bacarıqlar öyrədən proqramın bir növ davamı olacağına inam
bəslədiyini bildirən ABŞ səfiri burada da əsas məqsədin Azərbaycanın
dünya ölkələri ilə daha yaxından inteqrasiya olmasına və əlaqələrin
güclənməsinə xidmət etməkdən ibarət olduğunu bildirib.
Qeyd edək ki, ABŞ səfirinin analoji görüşü dekabrın 14-də Astara rayonunun gəncləri ilə olacaq.
|
Просмотров: 270 |
Добавил: apacenub
| Рейтинг: 0.0/0 |
|
Statistika
Онлайн всего: 1 Гостей: 1 Пользователей: 0
|